अफवाहों को लगा फुल स्टॉप: कांग्रेस नेता बृजेंद्र की “प्रेग्नेंसी” से निकला गबरू छोरा – गुरुग्राम अस्पताल में डॉ राहुल गांधी ने करवायी डिलीवरी आई
गुस्ताखी माफ़ हरियाणा- पवन कुमार बंसल
ठेठ हरियाणवी अंदाज़ में बात यूं बनी —
“गुस्ताखी माफ़” म्हारे हरियाणा में राजनीति भी बड़ी मजेदार चीज़ सै। आठ महीने तै “प्रेग्नेंट” चल रहे कांग्रेसी नेता बृजेंद्र की आखिरकार गुरुग्राम में डॉ. राहुल गांधी नै “डिलीवरी” करवा दी।
कदे कोई कहे — “अरै ये तो बांझ मामला सै”,
कदे कोई बोले — “एबॉर्शन हो जागा”,
पर आखिर गबरू छोरा जाम गया। जच्चा-बच्चा दोनों फिट बताए जा रहे सैं।
राहुल गांधी भी भूपिंदर सिंह हुड्डा की मौजूदगी में खुल के बोल गए —
“बृजेंद्र बब्बर शेर सै, और मेरा- कांग्रेस का पूरा समर्थन उसकै साथ सै।”
मजेदार बात यो रही कि पहले हुड्डा अर कांग्रेस अध्यक्ष राव नरेंद्र कह रहे थे कि यात्रा “निजी” सै, इसलिए शामिल ना होंगे।
पर जिब राहुल गांधी खुद पहुंच गए, फेर सबनै थाली बजाणी पड़गी।
असल मजा तो उस टाइम आया था जिब यात्रा शुरू हुए बस एक महीना होया था। किसी नै बिरेंद्र सिंह तै पूछ लिया —
“हुड्डा अर बाकी कांग्रेसी नेता क्यूँ ना आए?”
बिरेंद्र सिंह नै ठेठ हरियाणवी में जवाब ठोक दिया —
“अरै बालक जामण में भी नौ महीने लागैं सैं। ईब्बै तो एक महीना होया सै। जिब बालक जामेगा, सारे आवेंगे अर थाली भी बजावेंगे।”
लो जी, बात बिल्कुल सच निकली।
बालक भी जाम गया, सारे आ भी गए, अर थाली भी बज गी।