गुरग्राम पीपली और सोनीपत बस अड्डे पीपीपी मोड़ पर- सैनी साहिब सरकार ही अड़ानी या अंबानी से मिलकर पीपीपी मॉडल पर चला लो..

गुस्ताखी माफ हरियाणा — पवन कुमार बंसल

हरियाणा की सैनी सरकार का दिवाल निकल गया सै।
मेडिकल सेवा के बाद अब गुरुग्राम, पीपली अर सोनीपत के बस अड्डे भी पीपीपी (सरकारी-निजी साझेदारी) मॉडल पे बनेंगे।
अब अड्ड्यां की दुकानां नै निजी भागीदार बेचेंगे।

पढ़ाई-लिखाई का तै पहले तै ही बंटाधार हो रया सै।
गुरुग्राम का सरकारी अस्पताल कोमा म्हं पड़ा सै।

महकमे के मंत्री Anil Vij नै इसकी पुष्टि करदे हुए “गुस्ताखी माफ हरियाणा” नै बताया के यो फैसला मुख्यमंत्री Nayab Singh Saini का सै।

जब उन तै पूछ्या गया के सरकार के धोरे अड्डे बनाण खातर पैसे कोन्या के, तै उनने जवाब दिया — “यो फैसला माननीय मुख्यमंत्री जी का सै।”

वैसे सैनी साहब, थारी सरकार पर्यटन केंद्र भी बेचण पे लाग री सै।
तहसील भी पीपीपी मॉडल पे चला लो।

दुमछल्ला:
सैनी साहब, अडानी-अंबानी तै बात करकै पूरी हरियाणा सरकार नै भी पीपीपी मॉडल पे चला लो।

About The Author